Þá er komið að verkefninu VideoArt hjá Hafdísi. Þetta hefur verið smá hausverkur hvernig ég eigi að gera svona listaverk. Ég er búin að vera að mynda hafið og umhverfið hérna í Víkinni og langar til að koma því til skila í mínu verkefni. Margbreytileiki í veðurfari og sjólagi sem forfeðurnir þurftu að takast meira á en við. Ég fór í Ósvör og myndaði þar einn daginn og náði þá mynd af regnboganum og flottum öldum skella á fjöruna. Seinna fór ég líka og tók upp meiri öldugang en einnig nota ég mynd sem ég gerði í mínútuverkefninu hjá Hákoni. Þetta ætla ég svo að setja saman í listaverk. Búin að liggja yfir premier í gærkveldi í á fjórða klukkutíma til að gera kubb þar sem mynd er á öllum hliðum og hann snýst. Þetta er smá áskorun…